29 Dekabr 2021
12:03
21696

Son 4 ildə pensiya, təqaüd və müavinətlərin neçə faiz artdığı AÇIQLANDI

Son 4 ildə pensiya, təqaüd və müavinətlərin neçə faiz artdığı açıqlanıb.

İslahat.az xəbər verir ki, bu barədə Dövlət Sosial Müdafiə Fondunun sədri Himalay Məmişov "2021-ci ilin yekunlarına dair" mətbuat konfransında məlumat verib.

Onun sözlərinə görə, son 4 ildə minimum pensiya 82 faiz artaraq 200 manat olub: "Bu dövrdə orta aylıq pensiya 60 faiz artaraq 331 manat təşkil edib. Son 4 ildə yaşa görə orta aylıq pensiya 53 faiz artaraq 358 manata, əlilliyə görə orta aylıq pensiya 67 faiz artaraq 293 manata, ailə başçısını itirməyə görə orta aylıq pensiya 75 faiz artaraq 287 manata çatdırılıb".

H.Məmişov bildirib ki, bu dövrdə müavinətlərin orta məbləği 95 faiz, maksimum məbləği isə 65 faiz artıb: "4 illik dövrdə təqaüdün maksimum məbləği 54 faiz artaraq 2000 manata çatdırılıb. Yaşayış minimumu isə 26 faiz artaraq 196 manat olub".

İslahat.az