Azərbaycan şahmatçısı Şəhriyar Məmmədyarov norveçli dünya çempionu Maqnus Karlsenin təşkil etdiyi "Champions Chess Tour” onlayn seriyasının üçüncü mərhələsində bu gün sonuncu görüşünü keçirəcək.
İslahat.az xəbər verir ki, 37 yaşlı qrossmeyster "Oslo Esports Cup”ın VII turunda Karlsenlə üz-üzə gələcək.
Hazırda səkkiz xalı olan Şəhriyar altıncı pillədə qərarlaşıb. 12 xala malik Karlsen isə birincidir.
Qeyd edək ki, turnirin mükafat fondu 210 min ABŞ dollarıdır. Yarış başa çatdıqdan sonra Şəhriyar Məmmədyarovun ümumi turnir cədvəlindəki (üç mərhələnin yekununa görə) yekun mövqeyi bilinəcək. Maraqlıdır ki, hazırda orada da şahmatçımız altıncı, Karlsen birinci yerdədir.
İslahat.az
