"Omicron” ştamı ilə pandemiyanın beşinci dalğasını yaşayan Fransada prezident Emmanuel Makron peyvənd olunmayanları hədəfə alıb.
İslahat.az xəbər verir ki, ölkədə beş milyondan çox insanın hələ də peyvənd olunmadığını bildirən Makron, hökumətin peyvənd olunmayanların sosial həyat fəaliyyətlərini mümkün qədər məhdudlaşdıracaqlarını açıqlayıb.
"Le Parisien" qəzetinə müsahibə verən Makron, "Mən peyvənd olunmayanları canlarından bezdirmək istəyirəm. Sonuna qədər mübarizə aparacam. Bu, bizimstrategiyamızdır",- deyə bildirib.
Fransada hökumət əvvəllər "sağlamlıq pasportu" kimi tanınan sənədin "peyvənd pasportu"na çevrilməsi üçün hüquqi tənzimləmələri yekunlaşdırıb. Dəyişikliyin parlamentin gündəliyinə gəlməsi ilə peyvənd olunmamış insanların koronavirus testinin nəticəsi mənfi olsa belə, sosial məkanlara buraxılması məhdudlaşdırılacaq.
İslahat.az
