15 Dekabr 2021
16:47
20305

Azərbaycanlı Rusiyada federasiya prezidenti seçildi

Azərbaycanlı ikiqat Olimpiya çempionu İlqar Məmmədov Rusiya Qılıncoynatma Federasiyasının (FFR) prezidenti seçilib.

İslahat.az xəbər verir ki, 56 yaşlı mütəxəssis bu posta yeganə namizəd olaraq qalib gəlib.

O, yeni vəzifədə Aleksandr Mixaylovu əvəzləyib. I vitse-prezident isə Nijni Novqorod şəhər dumasının sədri Oleq Lavriçyov seçilib.

Qeyd edək ki, İlqar Məmmədov Seul-1988 və Atalanta-1996 Yay Olimpiya Oyunlarında qızıl medal qazanıb. Veteran rapiraçı 2012-ci ildən Rusiya millisinin baş məşqçisi idi. İ.Məmmədov Azərbaycan Qılıncoynatma Federasiyasının sabiq prezidenti Yaşar Məmmədovun oğludur.

İslahat.az