"Xızı-Abşeron” Külək Elektrik Stansiyası Azərbaycanın Enerji təhlükəsizliyinin təmin edilməsi prosesində mühüm hadisədir
Azərbaycanın böyük neft-qaz ehtiyatları olsa da, ənənəvi enerji
ehtiyatlarının tükənməz olmadığı sirr deyil. Bir çoxları alternativ enerjinin
heç vaxt ənənəvi enerji mənbələrini əvəz edə bilməyəcəyi tezisini müdafiə etsə
də, inkar etmək olmaz ki, alternativin olması hər zaman lazımdır və bu üstünlüyü
təmin etmək üçün əvvəldən hazırlaşmaq gərəkdir. Xüsusilə də sözügedən
perspektivli sahənin inkişafı üçün hər cür şərait və imkanlar olduğu halda.
Bu şərait və imkanlar Azərbaycanda mövcuddur və ölkəmizdə bu istiqamətin
inkişafı üçün böyük səylər göstərilir. Alternativ və bərpa olunan enerji
mənbələrinin inkişafı, "yaşıl enerji”yə keçidin təmin edilməsi sahəsində
reallaşan layihələr, görülən işlər hələ 1994-cü ildə ulu öndər Heydər Əliyev
tərəfindən təməli qoyulan enerji siyasətinin davamı, yeni mərhələsidir.
Azərbaycan Respublikasının Prezidenti cənab İlham Əliyevin iştirakı ilə
Səudiyyə Ərəbistanı Krallığının "ACWA Power” şirkəti tərəfindən Azərbaycanda
inşa ediləcək 240 MVt gücündə "Xızı-Abşeron” Külək Elektrik Stansiyasının
təməlqoyma mərasimi "yaşıl enerji”nin ölkə inkişafında aparılan mühüm
tədbirlərin bariz nümunəsidir.
Azərbaycanın enerji siyasətinin "yaşıl” istiqamətinin inkişafı çərçivəsində
digər əlamətdar bir hadisə Azərbaycanın Energetika Nazirliyi ilə "ACWA Power”
şirkəti arasında Xəzərin Azərbaycan sektorunda külək enerjisi sahəsində
əməkdaşlıq üzrə Anlaşma Memorandumunun imzalanması olub. Memorandum dənizdə
külək enerjisi sahəsində əməkdaşlığın əsas prinsiplərinin müəyyənləşdirilməsi,
Azərbaycanda bərpa olunan enerji layihələrinə gəlirli investisiya qoyuluşu üçün
potensialın qiymətləndirilməsi və şəraitin yaradılması üzrə əməkdaşlığı nəzərdə
tutur.
Xatırladaq ki, Azərbaycan 2030-cu ilə qədər elektrik enerjisinin istehsal
gücündə bərpa olunan enerji mənbələrinin payını 30%-ə çatdırmaq, Qarabağ və
Şərqi Zəngəzuru "yaşıl enerji” zonasına çevirmək niyyətindədir. Təbii ki, bütün
bunlar həm ekologiyaya müsbət təsirini göstərəcək, həm də ənənəvi enerji
resurslarına daxili bazarda qənaət edəcəkdir.
Vəfa Xəlilli – Gəncliyə Dəstək İctimai Birliyinin sədri
Azərbaycan müstəqillik dövründə uzun illər ərzində öz enerji təhlükəsizliyinin təmin edilməsi üçün fəal çalışıb
Yanvarın 13-də Azərbaycanda xarici investorların maliyyə vəsaiti
hesabına Səudiyyə Ərəbistanı Krallığının "ACWA Power” şirkəti tərəfindən inşa
ediləcək 240 MVt gücündə "Xızı-Abşeron” Külək Elektrik Stansiyasının təməli
qoyulub. Prezident İlham Əliyev hələ yanvarın 12-də yerli televiziya
kanallarına müsahibəsinin gedişində bu hadisənin anonsunu verərək qeyd etmişdi
ki, bu möhtəşəm tikinti üçün tələb olunan vəsaiti 100 faiz investorlar özləri
təmin edəcəklər və bu, əlbəttə ki, ölkəmizin inkişafına, gələcəyinə olan
inamın təzahürüdür”.
Azərbaycanın enerji təhlükəsizliyinin təmin edilməsi, eləcə də bərpaolunan
enerji növlərinin istehsalı kimi məsələlər dövlətimiz tərəfindən xüsusi diqqət
mərkəzində saxlanılır. Məhz bu baxımdan da yeni inşa olunacaq Külək Elektrik
Stansiyası (KES) həmin məsələlərin həllinə öz töhfəsini verəcəkdir.
Yeni stansiyanın təməlqoyma mərasimində iştirak edən Ölkə Prezidenti cənab
İlham Əliyev çıxışında qeyd etdiyi kimi, Azərbaycan müstəqillik dövründə uzun
illər ərzində öz enerji təhlükəsizliyinin təmin edilməsi üçün fəal çalışıb.
Hazırda Azərbaycan dünyada nadir ölkələrdəndir ki, həm xam neft, həm təbii qaz,
neft məhsulları və elektrik enerjisini daxili tələbatı ödəmək üçün tam istehsal
edir və eyni zamanda, bu dörd məhsulu dünya bazarlarına ixrac edir. Bu isə o
deməkdir ki, ölkəmizin enerji təhlükəsizliyi tam təmin edilib. Digər tərəfdən,
təbii qazın ildən-ilə artan ixracı və elektrik enerjisinin ixracı digər
ölkələrin enerji təhlükəsizliyinə də müsbət təsir göstərir. Lakin ölkə
əhalisinin artımı ilə, enerjiyə olan tələbat da artır. Buna görə də
Azərbaycanda yeni enerji növlərinin istehsalı istiqamətində ciddi işlər
aparılır. Bərpaolunan enerji növlərinin istehsalı enerji sahəsində dövlətin
gündəliyində duran əsas vəzifələrdən biridir. Təbii ki, bu gün bütün dünyada, o
cümlədən Azərbaycana qonşu ölkələrdə və Avropa ölkələrində də enerjiyə olan
tələbat durmadan artır. Buna əhalinin say artımı amili ilə yanaşı, həm də bəzi
ölkələrdə atom elektrik stansiyalarının və kömürlə işləyən elektrik
stansiyalarının bağlanması ilə bağlı qəbul edilən qərarlar da təsir edir. Buna
görə də qonşu ölkələrə elektrik enerjisi ixrac edən Azərbaycan bu ölkələrin
enerji təhlükəsizliyində əhəmiyyətli rol oynayır.
Son illər Azərbaycanda energetika sahəsində aparılan islahatlar hər bir
investor üçün önəmli rol oynayır. Azərbaycanda xarici investisiyaların
qorunması da ən yüksək səviyyədədir. Cənab Prezidentin dediyi kimi, xarici
investorlar yaxşı bilirlər ki, bizim sözümüz imzamız qədər qiymətlidir və
dəyərlidir.
Mütəxəssislərin proqnozuna görə "Xızı-Abşeron” Külək Elektrik Stansiyasının
istifadəyə verilməsi bir il ərzində 200 milyon kubmetr ekvivalentində qaz
sərfiyatının qarşısını alacaq, biz təbii qaza qənaət edəcəyik. Bu, həm də
ekologiyanın təmizlənməsinə xidmət edəcək. Bir sözlə, "Xızı-Abşeron” Külək
Elektrik Stansiyasının istifadəyə verilməsi bütün aspektlərdən baxanda uğurlu
bir enerji layihəsidir.
Kəmalə Əliyeva Əlibəyli kənd tam orta məktəbinin direktoru
Azərbaycan həm daxili tələbatı tam ödəyir, eyni zamanda,bütün qonşu ölkələrə elektrik enerjisi ixrac edir
XXI əsrdə məlum səbəblərdən ekoloji durumun korlanması, dünyanın
karbohidrogen ehtiyatının tükənməsi və həmçinin dünyanın gündən-günə enerjiyə
olan tələbatının artması ilə əlaqədar olaraq alternativ enerji mənbələrindən və
xüsusilə külək enerjisindən istifadə edilməsi günümüzün mühüm məsələlərindəndir.
Külək qurğularının və günəş batareyalarının quraşdırılması ətraf mühitdə hər
hansı bir ekoloji pozuntu ilə müşayiət olunmur. Bu qurğuların dünyanın bir çox
yerlərində, eləcə də Abşeronda quraşdırılması və istisimarı üçün əlverişli
yerlər mövcuddur. Ümumiyyətlə, Azərbaycan bərpaolunan enerji mənbələri üzrə
yüksək potensiala malik olan ölkələrdəndir. Enerji resursları ilə zəngin
olmasına və dünyada enerji resurslarının ixracatçısı kimi tanınmasına
baxmayaraq, ölkəmizdə bərpa-olunan enerji mənbələrindən istifadə hər zaman
diqqət mərkəzində olub. Cənab Prezident İlham Əliyevin rəhbərliyi altında
həyata keçirilən enerji təhlükəsizliyi siyasətinin təməl hədəflərindən biri də
ölkəmizdə bərpaolunan enerji mənbələrindən istifadənin gücləndirilməsindən
ibarətdir.
13 yanvar 2022-ci il tarixdə Azərbaycanın iqtisadi-siyasi həyatında daha bir
tarixi hadisə yaşandı. Gülüstan sarayında 240 MVt gücündə "Xızı-Abşeron”
Külək-Elektrik Stansiyasının təməlqoyma mərasimi keçirildi.
Təməlqoyma mərasimində cənab Prezident İham Əliyev çıxışı zamanı qeyd etdi ki,
Azərbaycan həm daxili tələbatı tam ödəyir, eyni zamanda, bütün qonşu ölkələrə
elektrik enerjisi ixrac edir. Qonşu ölkələrlə bizi birləşdirən yüksək
gərginlikli enerji xətləri bu imkanı bizə yaradır, lazım olarsa, yeni xətlər də
çəkilər”
Ölkə başçımızın sözlərinə görə region ölkələrində və eyni zamanda, Avropada
elektrik enerjisinə tələbat artır: "Bəzi ölkələr nüvə elektrik stansiyalarının
bağlanması ilə əlaqədar qərar qəbul ediblər, biz, eyni zamanda, kömürlə işləyən
elektrik stansiyalarının bağlanması prosesini müşahidə edirik. Eyni zamanda,
dünyanın demək olar ki, gündəliyinin ön sıralarında olan "Yaşıl gündəliyi” də
təsdiq edilib və biz öz növbəmizdə işğaldan azad edilmiş əraziləri – 10 min
kvadratkilometr ərazini "yaşıl enerji” zonası elan etmişik. Artıq bir neçə su elektrik
stansiyası inşa edilib, fəaliyyətdədir. Günəş və külək elektrik stansiyalarının
yaradılması ilə bağlı konkret planlarımız var”.
Ölkə başçımızın da söylədiyi kimi, bu müqavilə onu bir daha təsdiq edir ki,
Azərbaycanın bərpaolunan enerji potensialına dünyanın böyük şirkətləri
tərəfindən yüksək maraq var. Bunu da şərtləndirən amillər sabitlik,
əmin-amanlıq, əlverişli biznes mühiti, investorlar üçün yaradılan münbit
şəraitdir.
Vəfa Bayramova – Zərdab rayon Həsən bəy Zərdabi muzeyinin direktoru
Azərbaycanda xarici investisiyaların qorunması ən yüksək səviyyədədir
Prezident cənab İlham Əliyevin həyata keçirdiyi iqtisadi siyasətin
əsas xarakterik xüsusiyyətləri onun sosialyönümlü olması, habelə bütün
problemlərin həllində iqtisadi amilin ön plana çəkilməsidir. Dövlət
proqramlarının, Fərman və sərəncamların uğurla icrası da ölkədə gedən iqtisadi
inkişafın sürətləndirilməsini yüksək səviyyədə təmin edir.
Azərbaycan hökuməti iqtisadi siyasəti milli iqtisadiyyata təsir edən xarici və
daxili iqtisadi amilləri nəzərə almaqla həyata keçirir. Ona görə də hazırda
respublikamızda qeyri-neft sektorunun inkişafı iqtisadi artımın başlıca mənbəyi
kimi diqqət mərkəzində saxlanılır. Milli iqtisadiyyatın tərəqqisinə və ixracın
şaxələndirilməsinə yönələn tədbirlər isə qeyri-neft sektorunda iqtisadi artıma
müsbət təsir edir. Həmin tədbirlər sırasında son illər investisiya siyasətinin
diqqət mərkəzində saxlanılması mühüm əhəmiyyət daşıyır.
Azərbaycanda İxracın və İnvestisiyaların Təşviqi Fondu əcnəbi investorlara və
tərəfdaşlara təqdim edilməsi məqsədilə xarici investisiyaların cəlbi üçün
nəzərdə tutulan layihələrin qəbuluna xüsusi əhəmiyyət verir. Bu zaman
investisiya layihələrində əsasən maliyyə baxımından əsaslandırılan və iqtisadi
cəhətdən səmərəli olan, beynəlxalq standartlara tam uyğun gələn müəssisələrin
yaradılmasına diqqət yetirilir. Azərbaycanın xarici investisiya üçün cəlbedici
olması təsadüfi deyil. Çünki respublikamızda əcnəbi investorların səmərəli
fəaliyyəti məqsədilə "açıq qapı” siyasəti prioritet istiqamət kimi qəbul
edilib. Bundan başqa, son illərdə Azərbaycan hökuməti ilə xarici dövlətlər
arasında investisiyaların təşviqi və qarşılıqlı qorunması ilə bağlı 50-dən çox
saziş imzalanıb. Ölkəmizə investisiya qoyuluşuna marağın getdikcə artması
ölkəmizin, həm də siyasi cəhətdən sabit olması, milli, dini və irqi
tolerantlığı baxımından seçilməsi ilə bağlıdır.
Vüsalə Kərimova –şəhər 1 saylı məktəb liseyin direktoru
Azərbaycana 10 milyardlarla dollar həcmində xarici sərmayə qoyulub
Ölkəmizdə biznes mühitinin yaxşılaşdırılması istiqamətində də çox
ciddi addımlar atılıb. Dünya Bankının "Doing Business” proqramı çərçivəsində
Azərbaycan 10 ən islahatçı ölkə kimi tanınır və hazırda 25-ci yerdəyik. Əlbəttə
ki, bu, Azərbaycana investisiyaların cəlb edilməsi üçün müsbət rol oynayır və
oynayacaq. Bütün aparıcı beynəlxalq maliyyə qurumları bu sahədəki
fəaliyyətimizi yüksək qiymətləndirir. Hazırda respublikada sənayenin, kənd
təsərrüfatının inkişafı üçün həyata keçirilən daxili investisiya layihələri
nəticəsində zavod-fabriklər, sənaye parkları və sənaye məhəllələri, texno və
aqroparklar, eləcə də digər təyinatlı istehsal obyektləri uğurla fəaliyyət
göstərir. Böyük sənaye müəssisələrinin tikintisi üçün investisiyaların
ayrılması Prezident cənab İlham Əliyevin iqtisadi strategiyasının uğurla həyata
keçirildiyini bir daha təsdiqləyir. Ümumilikdə isə müstəqillik illərində
investisiyaların həcmi 263 milyard dollar olub ki, bunun da 50 faizdən çoxu
xarici sərmayələrdir. Ölkəmizə xarici sərmayələrin qoyulmasında Səudiyyə
Ərəbistanı Krallığı hökuməti də özünə məxsusu yer tutr.
Belə ki, Azərbaycan Respublikası hökuməti ilə Səudiyyə Ərəbistanı Krallığı
hökuməti arasında iqtisadiyyat, ticarət, investisiya, texnika, mədəniyyət,
idman və gənclik sahələrində əməkdaşlıq üzrə Müştərək Komissiyanın olması
əlaqələrin daha da genişlənməsinə mühüm töhfə verir. Azərbaycan hökuməti ilə
Səudiyyə Ərəbistanı hökuməti arasında siyasi, iqtisadi və digər sahələrdə
ikitərəfli əlaqələrin uğurla inkişafı, Azərbaycan və Səudiyyə Ərəbistanı
arasında ticarət əlaqələrinin inkişafı və gücləndirilməsi, ticarət
dövriyyəsinin artırılması, energetika, investisiya, turizm, sənaye, kənd
təsərrüfatı və digər sahələrdə əməkdaşlıq imkanları yaradılmışdır.
Səlim Zeynalov – Dəkkəoba kənd tam orta məktəbinin direktoru
İşğaldan azad edilmiş ərazilər – 10 min kvadratkilometr ərazi "yaşıl enerji” zonası elan edilib
Bu gün alternativ və bərpa olunan enerji mənbələrinin inkişafı,
"yaşıl enerji”yə keçidin təmin edilməsi istiqamətində həyata keçirilən
layihələr hələ 1994-cü ildə ulu öndər Heydər Əliyev tərəfindən təməli qoyulan
enerji siyasətinin davamıdır. Hazırda bəşəriyyətin iqlim dəyişikliyinə qarşı
mübarizəsi günü-gündən güclənir və qloballaşır. Atmosferə atılan zərərli
tullantıların həcminin azaldılması və "yaşıl enerji” ilə əvəz edilməsi dünya
gündəliyinin ən vacib məsələlərindən birinə çevrilib. Atom elektrik
stansiyalarının fəaliyyətinin azaldılması, eləcə də kömür və qazla işləyən
elektrik stansiyalarının "yaşıl enerji” mənbələri ilə əvəz edilməsi üçün dünya
ölkələri bir sıra planlar qurur. Azərbaycan öz növbəsində qlobal çağırışlara
cavab verən layihələr reallaşdırır.
Bir neçə gün bundan qabaq Səudiyyə Ərəbistanı Krallığının "ACWA Power” şirkəti
tərəfindən Azərbaycanda inşa ediləcək 240 MVt gücündə "Xızı-Abşeron” Külək
Elektrik Stansiyasının təməlqoyma mərasimi keçirildi. Tədbirdə Prezident cənab
İlham Əliyev çıxış edərək bildirdi ki, bu stansiya Azərbaycanın enerji
təhlükəsizliyinin təmin edilməsinə öz töhfəsini verəcək: "Bu stansiyanın
yaradılması bir daha onu göstərir ki, bərpa olunan enerji növlərinin
istehsalına Azərbaycan dövləti çox böyük önəm verir. Təxminən bir il bundan
əvvəl Azərbaycan Energetika Nazirliyi ilə Səudiyyə Ərəbistanının "ACWA Power”
şirkəti arasında icra müqaviləsi imzalanmışdır. Faktiki olaraq stansiyanın
tikintisi ilə bağlı qərar verilmişdir və son bir il ərzində fəal iş aparılaraq
bu gün artıq biz bu gözəl günü birlikdə qeyd edirik”.
Prezident cənab İlham Əliyev işğaldan azad edilmiş 10 min kvadratkilometr
ərazini "yaşıl enerji” zonası elan edib. Qısa bir müddətdə həmin ərazilərdə
ermənilər tərəfindən yararsız hala salınmış su elektrik stansiyaları bərpa
olunur.
Artıq bir neçə su elektrik stansiyası inşa edilib, fəaliyyətdədir. Günəş və
külək elektrik stansiyalarının yaradılması ilə bağlı konkret planlar var. Bir sözlə,
"yaşıl enerji”nin ümumi enerji sektorunda payının artırılması istiqamətində
atılan addımlar qlobal çağırışlara mühüm töhfədir.
Şəhla Eminova –əməkdar müəllim
"Xızı-Abşeron” Külək Elektrik Stansiyası ölkəmizin güclü enerji resurslarına malik dövlət kimi mövqeyini daha da gücləndirəcək
"Səudiyyə Ərəbistanının "ACWA Power” şirkəti tərəfindən
Azərbaycanda inşa ediləcək 240 MVt gücündə "Xızı-Abşeron” Külək Elektrik Stansiyasının
təməlinin qoyulması çox mühüm iqtisadi və ekoloji hadisədir. Belə ki, bərpa
olunan enerji mənbələrindən istifadənin genişləndirilməsi, ənənəvi olmayan
enerji sektoruna xarici sərmayənin və innovativ texnologiyanın cəlb edilməsi,
enerji istehlakında alternativ mənbələrin rolunun artırılması və dayanıqlı
enerji təminatı olduqca vacibdir. Və bu təkcə bizim üçün deyil, bütün dünya
üçün vacib prioritetlərdir. Çünki atmosferə atılan zərərli tullantıların
həcminin artmasının qarşısının alınması, "yaşıl enerji”yə keçid sivil dünyanın
gündəliyində ən mühüm yerlərdən birini tutur.”
Bu gün dünya dövlətləri aktiv şəkildə atom elektrik stansiyalarının
fəaliyyətinin azaldılması, kömür və qazla işləyən eləktrik stansiyalarının
"yaşıl enerji” mənbələri ilə əvəz edilməsi istiqamətində müəyyən planlar
qururlar. Məhz bu təşəbbüslərə qoşularaq Azərbaycanda 2030-cu ilə qədər
istehsal ediləcək elektrik enerjisinin 30%-nin bərpaolunan enerji ilə əvəz
edilməsi planlaşdırılır: "Prezidentin də qeyd etdiyi kimi inşa olunacaq
stansiyanın əhəmiyyəti təkcə iqtisadi mənfəətlə də bitmir. Stansiyanın inşası
hesabına təbii qaza qənaətin təmin olunması da reallaşdırılacaqdır. Eyni
zamanda, ətraf mühitə mənfi təsirin azaldılması istiqamətində bu stansiyanın
çox böyük əhəmiyyəti olacaqdır. Belə ki, nəticə etibarilə 220 milyon kubmetr
qaza qənaət olunacaq və bu da il ərzində 400 min ton karbon qazının atmosferə
atılmasının qarşısını alacaq. Bununla da ölkəmizin regionda güclü enerji
resurslarına malik dövlət kimi mövqeyi daha da artacaq, eyni zamanda, atmosferə
atılan çirkli tullantıların azalması sayəsində ekoloji tarazlıq güclənəcək.”
Rəmzi Şirinov-YAP Zərdab rayon təşkilatının Gənclər Birliyinin sədri
Səudiyyə Ərəbistanı ilə Azərbaycan arasında çox sıx dostluq və qardaşlıq münasibətlər mövcuddur
44 günlük Vətən müharibəsində 10 min kvadratkilometrdən çox
ərazilərimiz işğaldan azad olunandan sonra Prezident İlham Əliyev bu əraziləri
"yaşıl enerji” zonası elan etmişdir: "Məhz qısa zaman kəsiyində həmiz
ərazilərdə ermənilər tərəfindən dağıdılmış su elektrik stansiyaları bərpa
edilir və işğaldan azad olunmuş ərazilərdə bərpa olunan enerji stansiyalarının
yaradılması istiqmətində işlərin görülməsinə başlanmışdır. Təbii ki, "yaşıl
enerji”nin payının enerji sektorunda artırılması istiqamətində atdığımız
addımlar qlobal çağırışlara verdiyimiz töhfədir.
Stansiyanın tikintisi ilə bağlı qərar bir il öncə verilmişdir və son bir il
ərzində bu istiqamətdə olduqca fəal iş aparılırdı. Heç şübhəsiz ki, sazişin
digər mühüm əhəmiyəti də yeni iş yerlərinin açılacağı ilə bağlıdır. Çünki bu
həcmdə stansiyanın tikintisi və sonra fəaliyyəti çoxlu iş yerlərinin
yaradılmasına səbəb olacaq.”
İnşa olunacaq stansiyanın investoru da tanınmış və bu sahədə böyük təcrübəsi
olan şirkətdir: "Səudiyyə Ərəbistanı Krallığının "ACWA Power” şirkəti enerji
sahəsində dünyanın ən böyük şirkətidir və şirkət tərəfindən inşa edilmiş
stansiyaların enerji istehsalı gücü 42 min meqavatdan çoxdur.
Ümumiyyətlə, Səudiyyə Ərəbistanı ilə Azərbaycan arasında çox sıx dostluq və
qardaşlıq münasibətlər mövcuddur. Müstəqillik dövründə bu əlaqələrin inkişaf
etdirilməsi istiqamətində fəal işlər aparılmışdır. Təməlqoyma mərasimində
Prezidentin də qeyd etdiyi kimi bütün Azərbaycan xalqı işğal dövründə Səudiyyə
Ərəbistanının ölkəmizə göstərdiyi siyasi dəstəkdən xəbərdardır. Səudiyyə
Ərəbistanı nadir ölkələrdəndir ki, erməni işğalına görə Ermənistanla
ümumiyyətlə diplomatik əlaqələr qurmamışdır və bu, Azərbaycan xalqına,
Azərbaycan dövlətinə göstərilmiş böyük mənəvi dəstəyin əlamətidir. Bu gün
Azərbaycan və Səudiyə Ərəbistanı energetika sahəsində OPEC+ formatında da fəal
əməkdaşlıq edir.
Bu saziş, neft-qaz sektorunda xarici şirkətlərlə imzalanmış irihəcmli enerji
sazişlərindən sonra regionda sərmayə tutumuna və enerji istehsalı imkanlarına
görə, ən böyük qeyri-neft sazişlərindən biri kimi də tarixə düşəcək.”
Elyurə Məmmədova-Rayon mədəniyyət mərkəzinin direktoru
Enerji təhlükəsizliyinin təmin edilməsi ölkəmiz üçün prioritet məsələdir
Azərbaycan iqtisadiyyatına töhfə verəcək daha bir enerji
layihəsinin təməlqoyma mərasimi keçirildi. Səudiyyə Ərəbistanı Krallığının
"ACWA Power” şirkəti tərəfindən Azərbaycanda inşa ediləcək 240 MVt gücündə
"Xızı-Abşeron” Külək Elektrik Stansiyası Azərbaycanın enerji təhlükəsizliyinin
təmin edilməsinə öz töhfəsini verəcək.
Stansiyanın yaradılması bir daha onu göstərir ki, bərpaolunan enerji növlərinin
istehsalına Azərbaycan dövləti çox böyük önəm verir. Stansiyanın tikintisi ilə
bağlı qərar bir il öncə verilmişdir və son bir il ərzində fəal iş aparıldı. Bu
stansiya Azərbaycanda bərpaolunan enerji sektorunda ən böyük elektrik
stansiyası olacaqdır. Onun istehsal gücü 240 meqavatdır. Bu, həm də çoxlu iş
yerlərinin yaradılmasına səbəb olacaq. Cənab Prezident İlham Əliyevin
təməlqoyma mərasiminə həsr edilən çıxışında dediyi kimi, bizim təbii qaza
qənaətimizlə bağlı planlarımızda olan məsələlər öz həllini tapacaq, ətraf
mühitə mənfi təsirin azaldılması istiqamətində bu stansiyanın çox böyük
əhəmiyyəti olacaq.
Təsadüfi deyil ki, bizim bərpaolunan bu böyük enerji layihəsinin icraçısı və
investoru Səudiyyə Ərəbistanının şirkətidir. Səudiyyə Ərəbistanı ilə Azərbaycan
arasında çox sıx dostluq və qardaşlıq münasibətləri var. Ölkələrimiz bir çox
sahələrdə uğurla əməkdaşlıq edir. Azərbaycan xalqı Səudiyyə Ərəbistanının
Azərbaycana işğal dövründə göstərdiyi siyasi dəstəyi də unutmayıb. Səudiyyə
Ərəbistanı o ölkələrdəndir ki, erməni işğalına görə Ermənistanla diplomatik
əlaqələr qurmayıb.
İqtisadi sahədə əlaqələr gələcəkdə də inkişaf edəcək.
Son illər Azərbaycanda energetika sahəsində aparılan islahatlar hər bir
investor üçün önəmli rol oynayır. Azərbaycanda xarici investisiyaların
qorunması da ən yüksək səviyyədədir. Cənab Prezidentin dediyi kimi, xarici
investorlar yaxşı bilirlər ki, bizim sözümüz imzamız qədər qiymətlidir və
dəyərlidir. Azərbaycan müstəqillik dövründə uzun illər ərzində öz enerji
təhlükəsizliyinin təmin edilməsi üçün fəal çalışıb. Ölkə əhalisi artdıqca
təlabat artır. Ona görə də yeni enerji növlərinin istehsalı ilə ciddi məşğul
olmalıyıq.
Külək elektrik stansiyasının yaradılması bir çox mənalarda olduqca önəmli və
əhəmiyyətli layihədir.
Bu layihəyə qədər Azərbaycanda ən böyük külək elektrik stansiyası Qobustan
Hibrid Elektrik Stansiyası idi. Bundan sonra təməli qoyulan "Xızı-Abşeron”
Külək Elektrik Stansiyası Azərbaycanın ən böyük gücə malik külək elektrik
stansiyası olacaq.
Mütəxəssislərin proqnozuna görə "Xızı-Abşeron” Külək Elektrik Stansiyasının
istifadəyə verilməsi bir il ərzində 200 milyon kubmetr ekvivalentində qaz
sərfiyatının qarşısını alacaq, biz təbii qaza qənaət edəcəyik. Bu, həm də
ekologiyanın təmizlənməsinə xidmət edəcək. Bir sözlə, "Xızı-Abşeron” Külək
Elektrik Stansiyasının istifadəyə verilməsi bütün aspektlərdən baxanda uğurlu
bir enerji layihəsidir.
Səbuhi Kərimov-Yeni Azərbaycan Partiyası Zərdab rayon təşkilatının aparat rəhbəri
"Xızı-Abşeron” Külək Elektrik Stansiyasını Azərbaycanın enerji təhlükəsizliyinin təmin edilməsi prosesində olduqca əhəmiyyətli hadisə hesab etmək olar
Bu gün alternativ və bərpa olunan enerji mənbələrinin inkişafı,
"yaşıl enerji”yə keçidin təmin edilməsi istiqamətində həyata keçirilən
layihələr hələ 1994-cü ildə ulu öndər Heydər Əliyev tərəfindən təməli qoyulan
enerji siyasətinin davamıdır. Hazırda bəşəriyyətin iqlim dəyişikliyinə qarşı
mübarizəsi günü-gündən güclənir və qloballaşır. Atmosferə atılan zərərli
tullantıların həcminin azaldılması və "yaşıl enerji” ilə əvəz edilməsi dünya
gündəliyinin ən vacib məsələlərindən birinə çevrilib. Atom elektrik
stansiyalarının fəaliyyətinin azaldılması, eləcə də kömür və qazla işləyən
elektrik stansiyalarının "yaşıl enerji” mənbələri ilə əvəz edilməsi üçün dünya
ölkələri bir sıra planlar qurur. Azərbaycan öz növbəsində qlobal çağırışlara
cavab verən layihələr reallaşdırır.
"Xızı-Abşeron” Külək Elektrik Stansiyasını Azərbaycanın enerji təhlükəsizliyinin
təmin edilməsi prosesində olduqca əhəmiyyətli hadisə hesab etmək olar. Bu
stansiyanın ərsəyə gətirilməsi onu göstərir ki, bərpa olunan enerji növlərinin
istehsalına Azərbaycan dövləti böyük önəm verir. İnşa olunacaq stansiya
ölkəmizdə bərpa olunan enerji sektorunda ən böyük elektrik stansiyası olacaq.
Onun istehsal gücü 240 meqavatdır. Bu istiqamətdə Azərbaycana 10 milyardlarla
dollar həcmində sərmayə qoyulub. Hazırda sərmayə qoyuluşu davam edir. Dünyada
maliyyə böhranının olması, eləcə də pandemiyanın mövcudluğu və bununla bağlı
iqtisadi fəallığın azalması mənfi amillər sırasındadır. Bütün bunlara
baxmayaraq, dost ölkənin şirkəti Azərbaycana böyük həcmdə investisiya
qoyuluşuna qərar verdi. İnşa olunacaq stansiyanın investoru bu sahədə böyük
təcrübəsi olan Səudiyyə Ərəbistanı Krallığının "ACWA Power” şirkətidir.
Səudiyyə Ərəbistanı ilə Azərbaycan arasında sıx dostluq münasibətləri
mövcuddur. Müstəqillik dövründə bu əlaqələrin inkişaf etdirilməsi istiqamətində
fəal işlər aparılıb. Ölkələrimiz bir çox sahələrdə uğurla əməkdaşlıq edir. O
cümlədən işğal dövründə Səudiyyə Ərəbistanının ölkəmizə göstərdiyi siyasi
dəstək birmənalı danılmazdır. Səudiyyə Ərəbistanı nadir ölkələrdəndir ki,
torpaqlarımızın işğalına görə Ermənistanla, ümumiyyətlə, diplomatik əlaqələr qurmayıb.
Bu da Azərbaycan dövlətinə, xalqına göstərilmiş mənəvi dəstək və qardaşlığın
əlamətidir. Həmçinin iqtisadi sahədə ölkələrimiz arasındakı əməkdaşlığın çox
böyük perspektivləri var. Bundan əlavə, qeyd edim ki, sözügedən layihə
Azərbaycanın enerji təhlükəsizliyinin təmin edilməsinə bir töhfədir. Layihə
ölkə iqtisadiyyatına yatırılan 300 milyon dollar xarici investisiya deməkdir.
Həmçinin bu, 220 milyon kubmetr qaza qənaət və atmosferə atılacaq 400 min ton
karbon qazını azaldacaq”,
Son illər ölkəmizdə, xüsusilə energetika sahəsində aparılan islahatlar, münbit
investisiya iqlimi, uğurlu inkişaf, əmin-amanlıq və təhlükəsizlik baxımından
investor üçün mühüm rola malikdir.
Nailə Əliyeva-Zərdab rayon Mərkəzləşdirilmiş Kitabxana Sisteminin direktoru
İslahat.az