19 Mart 2019
14:38
1609

Prezident Xalq artistinə mənzil bağışladı

Prezident İlham Əliyev Akademik Milli Dram Teatrının aktyoru, Xalq artisti Sabir Məmmədova mənzil hədiyyə edib.

İslahat.az xəbər verir ki, bu haqda Xalq artisti Oxu.Az-a açıqlamasında deyib.

"Cənab prezident İlham Əliyevə təşəkkür edirəm. Bu, sənətimə verilən ən böyük qiymət və dəyərdir. Mənzil üç otaqdan ibarətdir. Bakının Xətai rayonunda yerləşir. Şəxsən özüm bir neçə dəfə evə gedib baxmışam”.

Qeyd edək ki, Sabir Məmmədov 24 yanvar 1961-ci ildə Qazax rayonunun Poylu kəndində dünyaya gəlib. 1983-cü ildə M.A.Əliyev adına Azərbaycan Dövlət İncəsənət İnstitutunun dram və kino aktyorluğu fakültəsini bitirib.

Aktyor 1983-cü ildə təyinatla Sumqayıt Dövlət Dram teatrına göndərilib. 1989-cu ildən isə S. Məmmədov fəaliyyətini Akademik Milli Dram Teatrında davam etdirir.
 
İslahat.az