5 mart 2022-ci il tarixdə Masallı şəhər Heydər Əliyev Mərkəzində 8 Mart Beynəlxalq Qadınlar Günü münasibəti ilə tədbir keçirilmişdir.
İslahat.az xəbər verir ki, "Yeni
Gündəm”-ə istinadən xəbər verir ki, əvvəlcə tədbir iştirakçıları Masallı şəhər Heydər
Əliyev Parkında Ümummilli Lider Heydər Əliyevin abidəsi önünə tər gül dəstələri
düzərək xatirəsini ehtiramla yad etmişlər.
Ara məsafəsi gözlənilmək şərtilə 8 Mart Beynəlxalq Qadınlar Gününə həsr edilmiş
tədbirdə çıxış edən Masallı Rayon İcra Hakimiyyətinin başçısı Şahin Məmmədov
bayram münasibətilə qadınları təbrik edərək onların cəmiyyətdəki rolundan
söhbət açmışdır.
Rayon rəhbəri çıxışında dövlətin hərtərəfli qayğısı ilə əhatə olunan Azərbaycan
qadınının bu gün ölkəmizin ictimai-siyasi, iqtisadi və mədəni həyatının fəal
iştirakçısına çevrildiyini xüsusilə qeyd etmişdir. Azərbaycan qadınlarının
ölkəmizin həyatındakı çoxşaxəli rolundan danışan natiq bu sahədə Azərbaycan
xalqının Ümummilli Lideri Heydər Əliyevin, Ulu Öndərin layiqli davamçısı,
Azərbaycan Respublikasının Prezidenti cənab İlham Əliyevin, Birinci
vitse-prezident Mehriban xanım Əliyevanın xüsusi xidmətlərini qeyd etmişdir.
İcra başçısı həmçinin vurğulamışdır ki, Azərbaycan qadınları ilə bir sırada
inamla addımlayan Masallı qadınları da bu gün iqtisadiyyatımızın
gücləndirilməsində, idarəetmə, təhsil, səhiyyə, mədəniyyət, aqrar və digər
sahələrdə həvəslə işləyirlər. Qadınlar cəmiyyətimizin istər ailə, istər sosial,
istərsə də ictimai həyatında kişilərə yardımcı olan böyük qüvvədirlər. Qadınlar
Vətənə layiqli vətəndaş, vətənpərvər insan yetişdirən və onlara tərbiyə verən
anadırlar. İstərdik ki, həyatlarının bütün günü onlar üçün bayram olsun. Çünki
bütün qadınlar, xüsusilə analar bütün bayramlara layiqdirlər.
Sonra Masallı RİHB-nın Hişkədərə kənd inzibati ərazi dairəsi üzrə nümayəndəsi
Qumra Cəfərova, Heydər Əliyev Mərkəzinin direktoru Dilbər İbayeva, "Regional
hüquqi və iqtisadi maarifləndirmə” İctimai Birliyinin sədri Arzu Bağırova, MRX
PHŞ-də baş tibb bacısı Leyla Məmmədova, Masallı Tarix Diyarşünaslıq muzeyinin
direktoru, Əməkdar Mədəniyyət işçisi Əntiqə Tağıyeva, Masallı Dövlət Regional
Kollecinin tələbəsi, könüllü Səbinə İbrahimli və başqaları çıxış etmişlər.
Bayram münasibətilə xoş arzularını bildirən qadınlar Azərbaycanda qadına, anaya
daim böyük ehtiram və hörmət bəslənməsindən, müdrik, cəsur, istedadlı
qadınlarımızın adlarının çoxəsrlik tariximizin səhifələrinə qızıl hərflərlə
yazılmasından danışmışlar. Onlar qadınlara göstərilən diqqət və qayğıya görə
Azərbaycan Prezidenti cənab İlham Əliyevə və icra başçısına dərin
minnətdarlıqlarını bildirmişlər.
Bayram tədbirində rayonun ictimai-siyasi və mədəni həyatında fəal iştirakına
görə bir qrup qadına Masallı Rayon İcra Hakimiyyətinin başçısı tərəfindən Fəxri
fərman və qiymətli hədiyyələr təqdim edilmişdir.
İslahat.az