Başda "C” vitamini olmaqla sağlamlıq baxımından son dərəcə faydalı olan limonu çoxumuz suyunu sıxıb qabıqlarını atırıq. Amma araşdırmalar göstərir ki, bu yanlışdır.
Limon qabığında olan polifenollar, vitaminlər, minerallar, lif, karotenoidlər və efir yağları bir çox xəstəliyə qarşı qoruyur. Amma kalsium səviyyəniz aşağıdırsa, böyrəklərinizdə daş varsa və ya daha əvvəl olubsa, aşağı təzyiqiniz və təzyiq dərmanı istifadə edirsinizsə, həkiminizlə məsləhətləşməlisiniz.
Mütəxəssislər çayınıza ya da rəndələyərək salata və şirniyyatlarınıza qata biləcəyiniz limon qabığında gizli olan 6 faydanın olduğunu qeyd edirlər.
İslahat.az həmin araşdırmanı təqdim edir:
Diş ətlərini gücləndirir
Limon qabığı "C” vitamini əskikliyinə bağlı olaraq qanayan diş əti xəstəliklərinin yaranmasının qarşısını alır.
Qaraciyərdə yağlanmanı azaldır
Limon qabığı tərkibindəki pektin, efir yağları və PMF (polimetoksillənmiş flavonlar) sayəsində xolestrol səviyyəsini, trigliserid səviyyəsini, qaraciyər yağlarını azaldır.
Bağırsaqları qoruyur
Limon qabığında olan diyet lifi, bağırsaq funksiyalarını və bağırsaq sağlamlığını qoruyur. Eyni zamanda limon qabığı qəbizliyin də qarşısını alır.
Hüceyrə zədələnməsinin qarşısını alır
İçərisindəki yüksək antioksidanlar sayəsində hüceyrələrə zərər verən sərbəst radikalları zərərsizləşdirmək qabiliyyətinə malikdir.
Xərçəng riskini azaldır
Limon qabığı tərkibindəki limonen və salvestrol, Q10 vasitəsilə xərçəng hüceyrələrinə qarşı mübarizə aparmağa kömək edir.
Avstraliyada aparılan bir araşdırma göstərir ki, limon qabığının ağız, boğaz və mədə xərçəngi riskini 40-50 faiz azaldır.
Damar sağlamlığını qoruyur
Limon, qabığında olan flavonoidlərdən biri olan hesperidin və naringin sayəsində damarı qoruyur, laxtalanma riskini azaldır.
İslahat.az