29 Mart 2022
16:55
20314

Kiçik daxmalardan çıxan böyük ürəklər - Yurdu yaşatmaq üçün canından keçən Şəhid Oktay Ağabəyov

Şəhidlik – Vətən, torpaq, millət yolunda öz istəyi ilə canından keçməyə razı olan insanların fəth etdiyi ən yüksək, şərəfli zirvədir. Şəhidlər xalqın azadlığını canı ilə qazanıb, qanı ilə yazanlardır. Onların canı, qanı hesabına qazandıqları azadlıq və müstəqillik xalq tərəfindən heç vaxt unudulmur.

Bu cür şəhid olan qəhrəmanlarımızdan biri də Ağəbəyov Oktaydır.

İslahat.az "Yeni Gündəm”-ə istinadən şəhid Oktay Ağabəyov haqda məlumatları təqdim edir.

Oktay Baxşəli oğlu Ağabəyov 22 noyabr 1987-ci il də Bakı şəhəri, Nizami rayonunda anadan olub.

1995 ildə 70 saylı tam orta məktəbdə təhsil almağa başlayıb. 2006-cı ildə həmin məktəbi məktəbi bitirib.

2006-cı ildə Azərbaycan Dövlət Neft Akademiyasına daxil olub və 2010-cu ildə bitirib.

03.07.2010-cu ildə Nizami rayonu Hərbi Komissarlığı tərəfindən həqiqi hərbi xidmətə çağırılıb, 1 il ərzində Murovdağda hərbi xidmət göstərib.

2013-cü ildə Azərbaycan Respublikası Heydər Əliyev adına Dövlət Neft Şirkətində çalışmağa başlayıb.
2020-ci il oktyabrın 9-u Zəfər müharibəsində iştirak üçün könüllü olaraq muharibəyə gedib, ön cəbhədə döyüşlərdə iştirak edib.

Oktyabrın 18-i Füzulinin Abdurrahmanlı kəndi istiqamətində gedən döyüşlərdə ağır yaralanıb. 14 gün komada qaldıqdan sonra 1 noyabr 2020-ci ildə şəhid olub.

Ölümündən sonra "Vətən ugrunda”, "Füzulinin azad olunması” medalları ilə təltif olunub.
Allah rəhmət eləsin!

İslahat.az