04 Yanvar 2021
17:36
13763

İdman tanıdır! (19.07.2012) - Elşən Gəncəvi

Fərqli idman növlərində uğur qazanmaq milliyyətinə sadiq, dövlətinə sahib olmaqdı.

Müxtəlif idman yarışlarında fərdin qələbəsi dövlət bayrağı altında milliyyətin varlığını hiss elətdirməkdir.

Komanda isə dövlətin kiçik bir hissəsini böyüdərək dünyaya dövlətin var olduğunu nümayiş etdirir. Sağlam bədən sağlam insanı, sağlam insan sağlam cəmiyyəti formalaşdırır.

Topla ilk uğur

2001/2002-ci illərdə voleybol üzrə klublararası "Top-Komanda” kuboku keçirildi. Avropada yeni bir klub peyda olmuşdu. Final turniri Bakıda keçirilirdi. Azərbaycanın qadınlardan ibarət voleybol klubu "Azerreyl” Bakı finalına vəsiqə qazanmışdı. İlk dəfə idiki, bizlər topla oynanılan idman növündə uğur qazanmaq istəyirdik.

"Azerreyl” voleybol klubu çempion oldu. Voleybolda qazandığımız uğurla digər idman növlərinə maraq artırdı. Voleybolun davamını uzun bir vaxtdan sonra yaşadıq. Amma uzun bir vaxt keçməsinə baxmayaraq, bu dəfə dünya səviyyəsində Azərbaycan klubu tanındı.

Dünyanı "mat” edərik!?

Teymur Rəcəbov adı hər bir azərbaycanlıya tanış olmalıdı. Necə ki Kasparov, Kramnik, Karpov, Fişer, Anand və digərləri öz simasında dövlətlərinə tanış olaraq dünyada tanıdılıb. Teymur Rəcəbov 14 yaşında ikən dünyanın ən gənc qrossmeysteri olaraq dünya rekordunu yeniləmişdir. Şahmat dünyasında "vunderkind” hesab edildi.

2003-cü il, dünyanın bir nömrəsini ağlı ilə mat etdi. Qarri Kasparovu məğlub edərək sanki dünyanı mat vəziyyətinə saldı. Həmin ili FİDE dünya çempionları olmuş Vişvanatan Anandı və Ruslan Ponomaryovu da məğlub etdi. Nəticədə şahmat dünyasını rekord göstəricisi ilə uzun müddət mat edib.

2011-ci il, Rumıniyada keçirilən turnirdə Teymuru qiyabi tanıtdırmaq mənim üçün "stimul” idi. Teymurun uğurları haqqında məlumatı rumın dostum öyrənməyi ilə öz uğuruma sahibləndim. Teymurun qazandığı qələbə və uğurlar hər bir azərbaycanlıya aid olmaqla bizim olmalıdır. Unutma! Bizim uğurumuz Azərbaycanın uğurudu!

"İponist”

2008-ci il Pekin Yay Olimpiya oyunlarında Elnur Məmmədlinin uğuru da Avropanın marağında oldu. Elnur Məmmədli sanki dünyanın qolunu və ayağını halsız vəziyyətdə saxlamaqla cüdo növünü öyrədirdi. Hətta cüdo fəndlərini qısa bir zamanda işlətməklə dünyanı "ipon”da saxlayırdı.

Rəqiblərinə saniyələr içində "ipon” xal əldə edərək qələbə qazanırdı və dünya cüdosu "iponist”ini tanıdı. İnanıramki, bir dəfə uğur qazanmağımızla kifayətlənməyəcəyik. Hər Yay Olimpiyadasında son qazanan idmançımızın yenidən uğur qazanmasını şəxsən mən səbrsizliklə gözləyəcəm.

Ardıcıl uğur...

"Rabitə” Bakı voleybol klubu Avropada sanki hər il yeni nailiyyət qazanaraq növbəti ilə hazırlaşırdı. 1/8 final, sonraki il 1/4 final, daha sonraki il isə 3-cü yer tutaraq ardıcıllıqla qazanılan uğuru növbəti ildə yeni bir uğura nail olacağından xəbər verirdi.

Avropada növbəti uğur isə 2010/2011-ci illərdə kublararası keçirilən Çempionlar Liqasında Türkiyənin "Vakıfbank Türk Telekom” klubuna məğlub olaraq ikinci yerə sahib olması oldu. Bu nəticə ilə dünyanın bir nömrəli voleybol klubları ilə hesablaşmaq vaxtı yetişdi.

2011-ci ilin çempionu!

Beynəlxalq Voleybol Konfederasiyasının təşkil etdiyi növbəti klublararası Dünya Çempionatı Qətərin paytaxtı Doha şəhərində keçirildi. Dünyanın bir nömrəli klubu Braziliyadan və 2011-ci ilin Çempionlar Liqasının qalibi olan klub Türkiyədən idi. Avropa finalı dünya finalında təkrarlandı.

Bu dəfə "Rabitə” klubu Avropanın intiqamını dünyadan almaq istəyirdi. Final oyundakı rəqibi yenidən Türkiyənin məşhur klubu "Vakıfbank Türk Telekom” klubu idi. Azərbaycan klubu 3-0 qazanaraq 2011-ci il üçün dünyanın bir nömrəli klubu oldu.

2011-ci ilin dekabrı, İsveçrənin Bazel şəhəri. Qadınlar arasında keçirilən sayca 23-cü olan "Top Volley” beynəlxalq voleybol türnirin finalında dünyanın son çempionu "Rabitə” klubu Fransanın "Kann” klubu üzərində qələbə qazanaraq 2011-ci ilin sonuncu çempionu oldu. Amma 2012-ci il...

Sonda:

2012-ci il üçün qadın voleybolçular arasında Avropanın ikinci böyük turniri olan "Çelenc Cup”da iki Azərbaycan klubu üz-üzə gəldi. "Bakı” və "Lokomotiv” klubların oyunu Avropada Azərbaycanın top oynatması idi. "Lokomotiv” klubu 2012-ci ilin Avropanın növbəti çempionu oldu. Yeni imzalarla Avropada birinciliyə yenidən sahibləndik.

"Bakı” və "Lokomotiv” klublarının uğuru "Azerreyl” və "Rabitə” klublarının "bir dəfə qazandıq, yetər!” kimi prinsipində olmalarını istəməzdim. İnanıramki, idman dünyasında birincilik nailiyyətimiz eyni imzamızla yaşıyacaq. Və yaşıyarıq, görərik! Növbəti yeni ildən, yenidən eyni imzaların nailiyyəti ilə!

Olimpiadada Azərbaycan idmançılarına uğurlar arzusu ilə...

19.07.2012

Elşən Gəncəvi - "Oxu-magiya" kitabı

İslahat.az