Gəncədə maşın iki piyadanı vurdu: ölən var - FOTOLAR
Gəncə şəhəri, Üzeyir Hacıbəyov küçəsində yol-nəqliyyat hadisəsi baş verib.
İslahat.az Oxu.Az-a istinadən xəbər verir ki, 1995-ci il təvəllüdlü Kənan Rasim oğlu Abdullazadə idarə etdiyi "VAZ 2107” markalı avtomobillə yolu keçmək istəyən piyadalar - Gəncə şəhər sakinləri 1964-cü il təvəllüdlü Səttar Əşrəf oğlu Qəribov və onun 29 yaşlı oğlu Anar Qəribovu vurub.
Hadisə nəticəsində S.Qəribov yerindəcə dünyasını dəyişib. Oğlu isə Gəncədə özəl xəstəxanalardan birinə yerləşdirilib. Vəziyyətinin ağır olduğu bildirilir.
Faktla bağlı Gəncə şəhər Baş Polis İdarəsində araşdırma aparılır.
İslahat.az
