24 Dekabr 2018
16:42
2653

BDU-da Abel Məhərrəmovu bu şəxs əvəz etdi - Bu gündən...

Bakı Dövlət Universitetinin (BDU) rektoru əvəzi təyin olunan Firudin Qurbanov vəzifəsinin icrasına başlayıb.

Bu barədə BDU-nun Mətbuat və informasiya şöbəsindən məlumat verilib.

O, dekabrın 24-də universitetin prorektorları və rektorun müşavirləri ilə görüşərək müvafiq müzakirələr aparıb, tapşırıqlar verib.

Qeyd edək ki, təhsil nazirinin müavini F.Qurbanov dekabrın 21-də BDU-ya rektor əvəzi təyin edilib. Bu barədə təhsil naziri Ceyhun Bayramov əmr imzalayıb.
 
F.Qurbanov eyni zamanda təhsil nazirinin müavini vəzifəsində qalacaq.

Xatırladaq ki, Prezident İlham Əliyevin noyabrın 15-də imzaladığı sərəncamla Abel Məhərrəmov BDU-nun rektoru vəzifəsindən azad edilib. Rektor səlahiyyətlərinin icrası isə 1 ay müddətinə universitetin tədris işləri üzrə prorektoru İradə Əliyevaya həvalə edilmişdi.
 
 
İslahat.az