21 Fevral 2019
17:11
949

Azərbaycan ordusu 25 dərəcə soyuqda təlimlərdə

Türkiyənin Qars bölgəsində "Qış 2019” Birləşmiş Müştərək Hərəkət Təlimi başlayıb. 

"Sözcü”nün yaydığı məlumata əsasən, təlimdə Azərbaycan və Türkiyə ilə yanaşı, Banqladeş, Bosniya Herseqovina, Gürcüstan, Qazaxıstan, Kosova, Küveyt, Qətər, BƏƏ, Almaniya, Bolqarıstan, İtaliya, Özbəkistan və Pakistandan olan ümumilikdə 251 şəxsi heyət iştirak edir. 

Təlimin fevralın 22-də başa çatacağı bildirilib. Təlimdə məqsəd qarlı və şiddətli soyuqda hərbçilərin atəş və manevr imkanlarını inkişaf etdirməkdən ibarətdir. 

Məlumatda qeyd edilib ki, hazırda Qarsda havanın temperaturu -25 dərəcədir.
 

 

İslahat.az