2021-ci ilin yanvar-iyul aylarında ölkədə 47 262 300 000 manatlıq ümumi daxili məhsul (ÜDM) istehsal olunub.
İslahat.az xəbər verir ki, Oxu.az-ın Dövlət Statistika Komitəsindən əldə etdiyi məlumata əsasən, bu rəqəm ötən ilin eyni dövrü ilə müqayisədə 2,7 faiz çoxdur.
ÜDM istehsalının 40,3 faizi sənaye, 10,3 faizi ticarət, nəqliyyat vasitələrinin təmiri, 7,3 faizi nəqliyyat və anbar təsərrüfatı, 6,5 faizi kənd təsərrüfatı, meşə təsərrüfatı və balıqçılıq, 5,1 faizi tikinti, 1,8 faizi informasiya və rabitə, 1,1 faizi turistlərin yerləşdirilməsi və ictimai iaşə sahələrinin, 18,5 faizi digər sahələrin payına düşüb.
Məhsula və idxala xalis vergilər ÜDM-in 9,1 faizini təşkil edib. Əhalinin hər nəfərinə düşən ÜDM 4 720,8 manata bərabər olub.
İslahat.az
