24 Mart 2019
13:12
953

"Azərbaycan Gözəli - 2019"-un qalibi məlum oldu - FOTOLAR

"Azərbaycan Gözəli - 2019”-un qalibi məlum olub.

"İslahat.az"
xəbər verir ki, "Yenigundem"-e bu haqda təşkilat komitəsindən açıqlama verilib: ” "Şou Prodakşn”-nın (Show Production) layihəsi olan "Azərbaycan Gözəli” Milli Gözəllik yarışması hər il "Şou Prodakşn” tərəfindən təşkil olunur və onu deyə bilərik ki, bu yarışmaya maraq olduqca böyükdür. Bu il də yarışmanı yüksək səviyyədə təşkil etməyi qarşımıza məqsəd qoymuşduq. Yarışma "Bompani” İtalyan Məişət Avadanlıqlarının baş sponsorluğu ilə təşkil olunub. Yarışma iştirakçıları 16-35 arası olan Azərbaycan xanımları idi. Hər bir iştirakçı yarışda ölkəmizin müxtəlif bölgələrini təmsil edirdi. "Azərbaycan Gözəli - 2019” Milli Gözəllik yarışmasının qalibini müəyyən etmək üçün iki seçim turu təşkil olundu. Hər iki seçim turunda yüz əlli nəfər xanım iştirakçı qatılmışdı. Ancaq tanınmış insanlardan ibarət olan münsiflər heyətinin qərarı ilə 32 xanım iştirakçı müsabiqənin yarımfinal mərhələsinə adlaya bildi. Münsiflərin qərarı ilə finala 14 xanım iştirakçı vəsiqə qazandı. Final gecəsi isə olduqca maraqlı oldu. Tədbirdə iştirak edən sənətçilərin ifaları gecəyə xüsusi rəng qatdı. Eyni zaman da dj Çinanın xüsusi müsiqilərin səsləndirməsi finalçı xanımların və gecənin qonaqlarının zövqünü oxşadı. Final gecəsində qaliblər yalnız münsifələrin qərarları ilə deyil, həm tədbirdə iştirak edən tamaşaçıların verdiyi səslərdən, həmçinin də iştirakçı xanımların özlərinin biri-birlərinə vermiş olduğu səslərə görə müəyyən olundu.

"Azərbaycan Gözəli-2019” Milli Gözəllik yarışmasının qalibləri aşağıdakılardır:

I yer - Melisa Nuriyeva

II yer - Ayşən Məmmədova

II yer - Şakira Gulueva

III yer - Setayesh Zahiri

III yer - Ləman Əkbərova

İslahat.az