27 Mart 2019
15:11
597

20 Yanvar faciəsinin təşkilatçısı cəzalandırıldı - 10 İL

Vilnüs şəhər dairə məhkəməsi 1991-ci ildə Litvada törədilən yanvar hadisələrinə görə SSRİ-nin keçmiş müdafiə naziri Dmitri Yazovu 10 il azadlıqdan məhrum edib.

Bu barədə TASS məlumat yayıb.

Məhkəmə Dmitri Yazovu hərbi cinayətlər və insanlığa qarşı cinayətlərdə təqsirli bilib.

Baş prokurorluq D.Yazov üçün ömürlük həbs cəzası istəmişdi.

Qeyd edək ki, D.Yazov həmçinin 1990-cı ildə yanvarın 20-də Bakıda törədilən kütləvi qırğınlara rəhbərlik edənlərdən biridir.

Həmin qanlı gecə Azərbaycan paytaxtında 147 nəfər öldürülmüşdü, daha 744 mülki şəxs isə yaralanmışdı.
 
İslahat.az